Company: |
TG4 |
Position: |
Ardstiúrthóir |
Location: |
Co. Galway |
Contact: |
Robert Mac Giolla Phadraig |
Address: |
Baile na hAbhann, Co. Galway, Ireland |
Phone: |
+353 1 4744698 |
Date Posted: |
19th July, 2016 |
Email: |
Send Message
|
|
«Back To Jobs |
|
|
Tá Ardstiúrthóir á lorg ag TG4
Is é TG4 an tseirbhís náisiúnta teilifíse Gaeilge atá á soláthar ag corparáid phoiblí atá bunaithe agus maoinithe ag an Rialtas. Tá an cainéal teilifíse ar fáil ar gach ardán craolta ar oileán na hÉireann agus ar fud an domhain ar an Idirlíon. Is é an tAire Cumarsáide a cheapann Bord TG4. Foilsitheoir/craoltóir is ea é a fhaigheann formhór a chuid ábhair ón earnáil neamhspleách léiriúcháin, ábhar a bhuaigh duaiseanna go leor. Is i mBaile na hAbhann i nGaeltacht Chonamara atá Ceannáras TG4 agus is í an Ghaeilge an teanga oibre ann.
Freagraíonn an tArdstiúrthóir don Bhord agus í/é i gceannas TG4 ag comhlíonadh a fheidhmeanna. Beidh an tArdstiúrthóir lonnaithe sa gCeannáras agus í/é freagrach as gach gné den oibríocht; airgeadas, ábhar, sceidealú clár, gnóthai tráchtála, teicneolaíocht, gnóthaí corparáideacha agus acmhainní daonna. Beidh an tArdstiúrhtóir freagrach as gach gné de pholasaithe agus de straitéis na seirbhíse a mhaoirseacht agus a chur i bhfeidhm. Post ar chonradh seasta 7 mbliana é seo (athbhreithniú tar éis 3 bliana).
Beidh na nithe seo a leanas ag an té a cheapfar:
- Taithí chruthaithe ar spriocanna a bhaint amach ag leibhéal sinsearach, an fhís, an cheannaireacht agus na scileanna bainistíochta is gá mar aon le cumas nuálach smaointeoireachta a bheith léirithe
- Ar a laghad 10 mbliana de thaithí ardbhainistíochta in earnálacha na craoltóireachta, léiriúcháin teilifíse, na meán, na cumarsáide nó in earnáil ghaolmhar
- Lán líofacht Ghaeilge, idir labhartha agus scríofa
- Cáilíocht ábharach acadúil
Ba bhuntáiste d’iarrthóir eolas a bheith aici/aige ar ábhar, sceidealú nó teicneolaíocht na teilifíse.
Ní foláir d’iarrthóirí an fhoirm iarratais ar-líne a líonadh amach agus CV cuimsitheach a sholáthar leis mar aon le litir ghearr chlúdaigh. Tá breis eolais faoin bpróiseas iarratais ar fáil ag www.sigmar.ie/TG4. Is féidir comhrá faoi dhiscréid a dhéanamh le Robert Mac Giolla Phádraig ag +353 1 4744698 nó ar r-phost ag rmacgp @ sigmar.ie
Is é 5.00pm Dé hAoine 5 Lúnasa 2016 an spriocdháta d’iarratais.
Is fostóir comhionannais deis é TG4 agus is í an Ghaeilge an teanga oibre.
Apply Now / Email: Send Message
Deadline: 5th August, 2016
www.tg4.ie
|